ВИДЕО: Луд натпревар во Торино, два гола во продолженијата – Порто го шокира Јувентус
Екипата на Порто обезбеди пласман во четвртфиналето во Лигата на шампионите откако во неверојатен натпревар во кој беа постигнати два гола во продолженијата успеа да го елиминира големиот фаворит Јувентус.
Во реваншот кој се играше во Торино, Јувентус славеше со 3:2, но Порто оди понатаму поради повеќе голови постигнати на гости, а јунак е Серџо Оливеира кој ги постигна двата гола за португалскиот тим.
Јувентус втора година по ред настапите во Лигата на шампионите ги завршува во осминафиналето, минатата година „старата дама“ беше елиминирана од Олимпик Лион.
Порто го најави изненадувањето со голот на Оливеира во 19. минута, но Јувентус успеа да направи пресврт во второто полувреме. Федерико Киеза со двата гола во 49. и 63. минута му донесе водство на Јувентус од 2:1, резултат со кој заврши и првиот натпревар во Португалија. Во меѓувреме, Порто остана со играч помалку поради црвениот картон на Мехди Тареми, но „старата дама“ не успеа да го пробие бедемот на португалскиот тим по што натпреварот замина во продолженија.
Во нив, вистинско лудило во последните пет минути, прво во 115. минута Серџо Оливеира го постигна својот втор гол на овој натпревар и го однесе Порто во четвртфиналето. Јувентус успеа преку Рабио да дојде до триумф од 3:2 кој беше недоволен за пласман во наредната рунда.