Фудбалската легенда Роберто Баџо влезе во светот на социјалните мрежи, отворајќи профил на ТикТок, каде за кратко време привлече огромно внимание.

Само неколку дена по активирањето на профилот, 57-годишниот Италијанец веќе собра повеќе од 200.000 следбеници, потврдувајќи дека неговата популарност не избледела и по завршувањето на кариерата.

Иако честите повреди значително му ја скратија кариерата, тој денес живее мирен живот далеку од очите на јавноста, во рурална средина во Италија. Сепак, интересот за него очигледно не стивнува.

Во своето прво обраќање на ТикТок, Баџо се појави од својата градина, каде демонстрираше дека сè уште умее со топката, жонглирајќи како во најдобрите денови.

@robertobaggio Ciao ragazzi! Da oggi sono anche io su TikTok 👀😂 #RobertoBaggio ♬ original sound – Roberto Baggio