ВИДЕО | Лацио понижен на Олимпико, Батурина и Паз го водат Комо на европската сцена
Фудбалерите на Комо предводени од тренерот Сеск Фабрегас вечерва убедливо победија против Лацио на стадионот Олимпико со резултат 3:0 во Серија А.
Препорачано
Така, овој тим остана на шестото место на табелата со 37 бода и е во трката за една од позициите кои водат во Европа следната сезона. Римски Лацио е моментно деветти на табелата во италијанскиот шампионат со 28 бода.
Фудбалерите на Комо ги шокираа навивачите на Лацио по само две минути, кога хрватскиот фудбалер Мартин Батурина постигна гол за водство од 1:0.
Во 24 минута, на семафорот веќе беше 2:0, а за тоа се погрижи аргентинскиот интернационалец Нико Паз. Истиот играч промаши пенал во 35 минута.
Но, Паз сепак успеа да се запише во листата на стрелци по втор пат на овој меч, кога Батурина му асистираше, и го запечати убедливиот триумф на својот тим во 49 минута.
Комо ќе биде домаќин на Торино во следното коло, додека Лацио ќе гостува кај составот на Лече.
