Фудбалерите на Црвена звезда остварија исклучително значајна победа на гостувањето кај Малме, славејќи со минимални 0-1 во рамките на седмото коло од Лига Европа. Белградскиот состав одигра дисциплинирано и со јасна идеја, а наградата за добрата игра дојде уште во 16. минута, кога талентираниот Василије Костов, фудбалер со македонски корени, го постигна единствениот гол на натпреварот.

17yo Crvena Zvezda sensation Vasilije Kostov scored to lead the Serbian champs past Malmo in the Europa League.

Arsenal & Borussia Dortmund scouts reportedly in attendance to watch the highly-rated midfielder, who’s been linked with Barcelona & Bayern.pic.twitter.com/3Djex1UzIc

— Sacha Pisani (@Sachk0) January 22, 2026

Домаќинот се обидуваше да се врати во игра во продолжението, но „црвено-белите“ рутински ја сочуваа предноста и стигнаа до триумф што значително ги доближува до пласман меѓу најдобрите осум екипи. Во последното коло, Црвена звезда ја очекува сериозен предизвик, бидејќи во Белград ќе гостува шпанска Селта Виго. Српскиот шампион по седум кола има 13 бодови, исто колку и Викторија Плзен која моментно е осмопласирана.

Во останатите натпревари од колото, германски Фрајбург забележа тесна победа од 1-0 над Макаби Тел Авив и ја продолжи серијата без пораз, забележувајќи петта победа и две ремија. ПАОК пријатно изненади во Солун, каде што со 2-0 го надигра Бетис, додека Лион остана на врвот на табелата со минимален триумф од 0-1 на гостувањето кај Јанг Бојс. Викторија Плзен и Порто пак ги поделија бодовите, одигрувајќи нерешено 1-1.