Српскиот репрезентативец Филип Костиќ денеска ги помина лекарските прегледи во Торино и потпиша тригодишен договор со италијанскиот гигант Јувентус.

Трансферот на Костиќ ќе го чини Јувентус 17 милиони евра, а доаѓањето на Србинот на лекарски прегледи и потпишувањето на договорот предизвика вистинска еуфорија меѓу навивачите на „старата дама“ во Торино.

Pioggia di autografi per Kostić ✍️ pic.twitter.com/Vo9PZ5rrMB

— JuventusFC (@juventusfc) August 11, 2022

Навивачите на Јувентус се собраа во голем број за да му посакаат на 29-годишниот фудбалер кој минатата сезона беше прогласен за најдобар играч во Лигата на Европа кога го предводеше Ајнтрахт Франкфурт до европскиот трофеј.

На официјалната интернет страница на Серија А, Костиќ е веќе пријавен како нов играч на Јувентус, а од Србинот се прости и сега веќе неговиот поранешен клуб, Ајнтрахт.
– Трансферот е завршен: Филип Костиќ потпиша за Јувентус. Крилниот напаѓач по четири години минати во Франкфурт му се приклучува на италијанскиот тим. Ти благодариме за сè, машино! Се најдобро во Италија! – објави германскиот тим.