Раперот Канје Вест во петокот се нашол во конфликтна ситуација со жена која се обидела да го фотографира, при што ѝ го зел телефонот и ѝ го фрлил на земја.

Како што објави „Ју-ес магазин“, портпаролот на шерифот на округот Вентура ја потврди информацијата дека Вест е под истрага поради „нанесување тешки повреди“.

Заедно со пријавата, која жената ја поднела веднаш по инцидентот, била доставена и видеоснимка како доказ, на која може да се види расправијата меѓу раперот и жената, односно моментот кога тој ѝ го фрла телефонот на земја.

„Престанете со камерите“, ѝ вели Вест, додека жената му одговора дека тој е позната личност и дека треба да сноси со такви ситуации.

Евидентно изнервиран, Вест ѝ го фрлил телефонот на земја и се вратил во својот автомобил, каде го чекала неговата сопруга Бјанка Цензори.

Вест заминал пред да пристигне полицијата.

pic.twitter.com/Lquz7RejsT

— Média French Rap 🇺🇸 (@Media_FrenchRap) January 28, 2023

Падот на Канје Вест: Од музичка икона, до човек кому светот му го сврте грбот