Фудбалерите на Ливерпул повторно ги разочараа своите навивачи откако денеска на гости загубија од Борнмут во 23-то коло од Премиер лигата со резултат 3:2.

Во 26 минута Еванилсон донесе предност за Борнмут, а Хименез ја зголеми предноста во 33 минута. Непосредно пред паузата во 45 минута гостите намалија преку ван Дајк.

Играчите на Арне Слот стигнаа до израмнување во 80 минута со погодокот на Собослај по асистенцијата на Гакпо.

Домаќините дојдоа до победата во петтата минута од судиското надополнување преку мароканскиот интернационалец Амине Адли.

Ливерпул е на четвртото место по седмиот пораз сезонава со 36 бодови, додека Борнмут кој дојде до седмата победа е на 13 место со 30 бодови.