ВИДЕО: Јувентус со пресврт славеше на Сицилија
Фудбалерите на Јувентус славеа со 1:2 на гостувањето кај Калјари во рамки на 32 коло од Серија А и се зацврстија на четвртото место на табелата.
„Старата дама“има 62 бода, четири помалку од Наполи и Интер, а осум повеќе од Рома на шест кола до крајот.
Јувентус до победата на Сицилија дојде со пресврт бидејќи Калјари по само десет минути игра имаше водство. Жоао Педро по одлично изведениот контра напад го совлада Шчешни во 10. минута.
По примениот гол играчите на Јувентус заиграа поофанзивно и постигнаа гол преку Пелегрини кој беше поништен бидејќи топката го погоди Рабио во раката. Сепак, до крајот на првиот дел, Јувентус успеа да дојде до израмнување благодарение на Матијс де Лихт кој во 45 минута беше највисок по центаршутот на Квадрадо и го совлада Крањо.
Победата и трите бода за Јувентус ги обезбеди зимското засилување, Душан Влаховиќ во 75 минута.