По домашната победа минатата недела, Денвер нагетс повторно беше подобар од Сакраменто кингс, овојпат на гостински терен, славејќи со 122-108. За актуелниот шампион ова беше осма победа на првите десет натпревари од сезоната.

„Нагетси“ ја добија последната четвртина со 37-26, со што го скршија отпорот на мотивираниот противник и рутински ја потврдија победата. И овојпат Никола Јокиќ беше главна фигура со 35 поени, 15 скока и 7 асистенции. Српскиот ас во двата дуели со Сакраменто сезонава имаше вкупно 69 поени, продолжувајќи да им задава главоболки на кошаркарите на Кингс.

Кај домаќините најрасположен беше Јубанкс со 19 поени, додека Расел Вестбрук беше блиску до трипл-дабл со 14 поени, 11 асистенции и 8 скока.

Денвер со биланс 8-2 останува на втората позиција на Западот, веднаш зад Оклахома Сити Тандер, а ист скор има и Сан Антонио спарс. Од друга страна, Сакраменто е длабоко под линијата за плејоф, со само три победи на 11 натпревари, на претпоследното место во конференцијата.

РЕЗУЛТАТИ
Бруклин – Торонто 109-119
Њујорк – Мемфис 133-120
Оклахома – Голден Стејт 126-102
Филаделфија – Бостон 102-100
Јута – Индијана 152-128
Сакраменто – Денвер 108-122

Преземено од: Спорт.ком.мк