„Ол-стар“ натпреварот кој се одигра синоќа во Лос Анџелес донесе  атракции на теренот, но една сцена од соблекувалната стана вистински хит на социјалните мрежи. Во центарот на вниманието беа Никола Јокиќ и Карл-Ентони Таунс.

Ѕвездата на Њујорк Никси на спектаклот се појави со јакна со претставата на Свети Ѓорѓи како го убива змејот, според православната црковна традиција. Тоа го изненади Јокиќ кој во прв момент се запрашал дали воопшто станува збор за тоа.

„Навистина ми се допаѓа, вистинско уметничко дело е. Ми се допаѓаат шевовите, деталите, особено шаблонот според кој е изработена. Ја добив како специјален примерок, направен по моја мерка и има само 25 вакви во светот. Искрено, не знаев дека мотивот е дел од христијанската традиција. Го поздравувам Јокиќ и му благодарам – ќе мора да ги научам лекциите по историја“, изјави Таунс пред новинарите.

За ситуацијата се огласи и Јокиќ.

„Ја гледам јакната и ми беше чудно, но не погрешив, бев во право, нели?“

Nikola Jokić recognized the painting on Karl-Anthony Towns’ jacket: Saint George killing the dragon, one of the most famous legends in Christian tradition 🙌🏻☦️pic.twitter.com/DTfkezPYah

— Eurohoops (@Eurohoopsnet) February 15, 2026

ВИДЕО: Јокиќ и Дончиќ потфрлија – младите ѕвезди од САД победија на „Ол-стар“ спектаклот