Неколкумина луѓе се убиени за време на немирите во Иран, соопштија вчера иранските медиуми и групите за човекови права, додека најголемите протести што ја погодија Исламската Република во последните три години поради влошувањето на економските услови предизвикаа насилство во неколку провинции, пренесува Ројтерс.

Полуофицијалната новинска агенција Фарс објави дека тројца демонстранти се убиени, а 17 се повредени за време на напад врз полициска станица во западната иранска провинција Лорестан.

Демонстрантите бараат промена на режимот, гневни поради економската криза и ја обвинуваат теократската влада на Иран за корупција и лошо управување.

Според новинската агенција Иран Интернешнл, на улиците на големите градови тие скандираат слогани против врховниот лидер Али Хамнеи и во корист на протераниот принц Реза Пахлави, најстариот син на шахот Мохамед, кој „падна“ со Иранската револуција во 1979 година, по 37 години владеење.

#BreakingNews : #Iran erupts. 30+ reportedly killed as protesters defy Islamic laws and call for the restoration of the monarchy. Unrest is spreading fast—from major cities into rural regions. #IranProtests pic.twitter.com/xzDzvT9lKj

— Indian Development & Infra (@Defence1100) January 2, 2026

Според неодамнешниот извештај на иранските новински агенции, шест лица (официјално) ги загубиле животите во судирите меѓу демонстрантите и безбедносните сили, додека претходните извештаи споменуваа само три.

Смртните случаи се регистрирани во Западен Иран, додека 30 лица беа уапсени во среда во Техеран под обвинение за „нарушување на јавниот ред“.

ВИДЕО Ескалираат протестите во Иран: Улиците горат, има и мртви

🚨 IRAN | LORESTAN UNREST 🇮🇷

Iranian security forces opened live fire on protesters in Doroud, Lorestan Province, late last night.

🔺 3 protesters killed after protests escalated into violent riots
🔺 Clashes erupted following an attempt to seize weapons from a police station… pic.twitter.com/IywvY8iazC

— Military Observer (@TheMilObserverr) January 2, 2026

„Општата болка се претвори во крик на улиците. Четири дена, народот се крена, не за да се жали, туку за да бара промена“, напиша наградуваниот ирански режисер Џафар Панахи на Инстаграм, опишувајќи ги протестите од последните денови како „востание“ за „движење на историјата напред“.

Во четврток беа пријавени судири во неколку градови, при што демонстрантите напаѓаа владини згради и полициски станици, а полицијата одговори со боева муниција.

On the fourth day of protests in Iran, demonstrators clashed with security forces in Fasa as footage showed armed men firing on the streets. The unrest — sparked by a falling currency and worsening economy — began in Tehran and has spread to other cities. pic.twitter.com/Vx7FB9i8M3

— DW News (@dwnews) January 2, 2026

На пример, видеа од градот Аџна (запад) на социјалните медиуми покажуваат луѓе со маски како палат автомобили и фрлаат камења во близина на полициска станица, а во позадина се слушаат истрели.

И во Хамедан (запад), „група демонстранти се обиде да запали џамија (…), но нивната злонамерна акција беше спречена“, според агенцијата Тасним.

Како што се ширеше протестното движење, израелскиот Мосад ги повика иранските демонстранти да не се плашат од репресија и да излезат на улиците, уверувајќи ги дека е „таму со нив“.

Иран и Израел се непријатели уште од соборувањето на шахот и воспоставувањето на Исламската Република во 1979 година.

ВИДЕО Ескалираат протестите во Иран: Улиците горат, има и мртви