По синоќешниот натпревар меѓу Шкендија и Јагелонија (1-1) во рамките на Конференциската лига, на арената „Тодор Проески“ се случи инцидент под западната трибина, каде што дојде до судир меѓу навивачите на двата клуба.

Според информациите, полициските сили морале веднаш да интервенираат за да спречат поголема ескалација на насилството. Додека дел од домашните навивачи ја напуштале трибината, фановите на полскиот тим, познати по својата жестокост, почнале да фрлаат кон нив тврди предмети (шишиња, камења, па дури и противпожарни црева).

Брзата реакција на полицијата спречила потежок инцидент, беше формиран заштитен кордон, а навивачите на Јагелонија беа вратени назад на стадионот за да се избегне директен судир со навивачите на тетовскиот клуб.

Горчливо реми: Јагјелонија ја шокира Шкендија во последните секунди