ВИДЕО | Ибрахимовиќ: Гвардиола ме предупреди да не доаѓам со „Ферари“, знаете што направив?
Шведскиот фудбалер Златан Ибрахимовиќ на почетокот на јуни објави дека се пензионира. Блескавата кариера на 41-годишниот Швеѓанец со босанско потекло траеше повеќе од две децении.
Ибрахимовиќ зборуваше за својата одлична кариера, но и за животот надвор од теренот, во нецензурирано интервју со англискиот новинар Пирс Морган, како што е најавено.
Целосното интервју ќе биде објавено во наредните денови, а одредени делови се веќе откриени. Морган го праша Златан дали мисли дека постигнувањето голови е подобро од сексот.
– Сексот е подобар. Секој што мисли поинаку има проблем во кревет – кратко изјави Златан Ибрахимовиќ.
Coming up this Thursday, don't miss Piers Morgan's VERY uncensored interview with Swedish football legend Zlatan Ibrahimovic…@Ibra_official | @piersmorgan | @TalkTV | #PMU pic.twitter.com/YIyIt2cQ2N
— Piers Morgan Uncensored (@PiersUncensored) October 2, 2023
За време на интервјуто, Златан изговори контроверзна реченица за Бог.
– Мислите дека се шегувам кога велам дека сум Бог? Не, воопшто не се шегувам – рекол Ибрахимовиќ.
Откриени се и некои детали за врската со Пеп Гвардиола во Барселона. Немаше почит кон славниот тренер.
– Гвардиола? На првиот состанок ми кажа дека играчите не доаѓаат тука со Ферари. Отидов и купив Ферари – изјави Златан Ибрахимовиќ.