Најмалку 16 луѓе се повредени при пукање во средно училиште во Сиверек, во турската покраина Шанлиурфа, откако поранешен ученик пукал со ловечка пушка во зградата, пренесува британски „Дејли мејл“.

#SonDakika Şanlıurfa Siverek’te bir lisenin önünde silah sesleri duyuldu.

Olay yerine çok sayıda polis ve ambulans sevk edilirken, 7 kişinin yaralandığı öğrenildi. pic.twitter.com/GqILe3XREK

— 23 DERECE (@yirmiucderece) April 14, 2026

Според британскиот медиум, повикувајќи се на гувернерот на Шанлиурфа, напаѓачот веднаш по нападот се самоубил.

Меѓу повредените има десетина ученици, четворица наставници, еден полицаец и еден вработен во училишната менза. Дел од повредените биле пренесени во болница, а според АП, петмина се здобиле со потешки повреди.

#SONDAKİKA | Şanlıurfa’da bir liseye silahlı saldırı düzenlendiği bildirildi.

⚫ Olay sırasında bazı öğrencilerin panik halinde kaçmak için camdan atladığı belirtilirken, yaralanma olduğu da aktarıldı. pic.twitter.com/hBbwrM3C6O

— Afroasya Today (@afroasyatoday) April 14, 2026

Инцидентот предизвикал паника, а стотици ученици биле евакуирани од зградата.

Напаѓачот, за кого засега нема повеќе официјални детали освен тоа дека бил поранешен ученик во училиштето, според објавата на турските медиуми пукал со ловечка пушка. Телевизиските снимки покажуваат голем број возила на брзата помош пред училиштето и ученици кои во страв ја напуштаат зградата.

Засега информациите првично беа објавувани со различни бројки за повредени од повеќе медиуми, но најцврсто потврдената бројка во моментов е најмалку 16 лица.