Селтик со победа од 3:1 против Хартс во последното коло ја обезбеди шампионската титула во шкотската Премиер лига, но драмата околу трофејот сè уште не е завршена.

Од клубот од Единбург не се помируваат со поразот и најавуваат можност за жалба, убедени дека до титулата можат да стигнат и по административен пат.

Според тврдењата на Хартс, во самиот финиш од натпреварот се случил спорен момент кој би можел да ја доведе во прашање регуларноста на средбата. По третиот погодок на Селтик, навивачите масовно втрчаа на теренот славејќи ја титулата, а гостинскиот тим тврди дека главниот судија Робертсон никогаш официјално не означил крај на натпреварот.

Во Хартс сметаат дека тоа претставува сериозно прекршување на правилата и се повикуваат на можноста натпреварот да биде регистриран со службен резултат доколку има нерегуларен прекин или неофицијален крај.

Доколку нивната жалба биде прифатена, постои сценарио натпреварот да биде регистриран со службени 3:0 во корист на Хартс, што би значело целосен пресврт во шампионската трка. Во тој случај, тимот од Единбург би ја освоил титулата, со оглед дека во последното коло им беше доволен и еден бод за првото место.

Титулата останува во Глазгов, Селтик со пресврт го урна Хартс