Фудбалерите на Селтик ја одбранија титулата шампион во шкотската Премиер лига откако во директна битка за тронот на домашен терен го совладаа Хартс со 3:1 во натпревар од последното 38 коло.

Хартс дојде во водство во 43 минута преку Шенкленд, но радоста на гостите траеше кратко, бидејќи непосредно пред паузата (45+4`) израмни Ингелс од пенал.

Единствена опција за домашниот состав беше само победа на овој меч, и тоа успеа да го оствари со погодоци во самиот финиш, најпрвин во 87 минута за предност се погрижи Маеда, а конечниот епилог го постав Османд (90+8`).

Селтик ја освои својата петта последователна титула, вкупно 14-та во последните 15 сезони, или 56-та во својата историјата. На Хартс му беше потребен нерешен резултат во овој натпревар за да ја освои својата прва титула во Шкотска од 1960 година.

Селтик ја заврши сезоната на првото место со 82 бода, два повеќе од Хартс. Третопласираниот Ренџерс на македонскиот репрезентативец Бојан Миовски собра 72 бода.