ВИДЕО: Хаос во Франција, гневни демонстранти упаднаа во седиштето на „Луј Витон“
Гневни демонтранти против предложената пензиска реформа во Франција денеска упаднаа во седиштето на луксузниот моден бренд „Луј Витон“ во Париз, во очекување на пресудата за контроверзните реформи кои ги „турка“ власта на Емануел Макрон.
Демонстрантите, предводени од моќните синдикати, бараат француската влада да се откаже од планираните пензиски реформи и наместо тоа повеќе да ги оданочува богатите.
Стотици луѓе, мавтајќи со знамиња и факели, упаднаа во просториите на „Луј Витон“ на париската авенија „Монтењ“ на 12-тиот ден од протестите.
Paris, France… Protesters have stormed the headquarters of Louis Vuitton. They chant “We will go as far as withdrawal”
Translation- We not gonna take it anymore 🔥 pic.twitter.com/Dq8qZ7rBl7
— 1776 (@TheWakeninq) April 13, 2023
„Барате пари да ги финансирате пензиите? Земете ги од џебовите на милијардерите“, рече активистот на синдикатот Суд Раила, Фабиен Виледје.
По околу еден час, Демонстрантите мирно си заминаа.
Protesters in Paris stormed the headquarters of Louis Vuitton 🫡pic.twitter.com/PIkNtMmv89
— Lauren McKenzie (@TheMcKenziest) April 13, 2023
Десетици илјади луѓе и денеска излегоа на улиците на француската престолнина, а некои се судрија со полицијата. Протести се одржуваат во градовите ширум земјата – вклучувајќи го и Рен, каде што сликите покажуваат запален „Мерцедес“ – во последната манифестација на гнев поради предложените промени во пензиите.
Синдикатите повикаа на демонстрации на улиците на Франција, еден ден пред клучната одлука на Уставниот суд за законитоста на законот за пензиски реформи, кој предвидува зголемување на старосната граница за пензионирање од 62 на 64 години. Доколку Уставниот суд го одобри законот што владата го донесе со декрет за да го избегне парламентот, бидејќи има сигурно мнозинство, тој ќе може да стапи на сила.