Хаитските безбедносни сили во средата изведоа операција во главниот град Порт-о-Пренс, при што беа бомбардирани три куќи за кои се верува дека се во сопственост на водачот на бандите Џими „Барбекју“ Шеризиер. На социјалните мрежи се појавија непотврдени снимки на кои се гледа силна експлозија и голем облак чад, а според информациите, најмалку една зграда е целосно уништена, додека околните објекти се оштетени, пренесува Си-ен-ен.

#ÚLTIMAHORA 🇭🇹🚨
¡POLICÍA HAITIANA Y FUERZA DE TAREA INTENSIFICAN ATAQUES EN DELMAS 6! Operaciones continúan en el bastión del líder pandillero Jimmy Chérizier, alias “Barbecue”, en Puerto Príncipe, con destrucción de viviendas vinculadas al jefe criminal mediante drones… pic.twitter.com/SChttxdgcK

— LET NOTICIAS – Libertad de Expresión para Todos (@LETNoticias) January 16, 2026

Засега нема официјални податоци дали има загинати, повредени или уапсени лица. Локалниот медиум „Газет Хаити“ објави дека полицијата по нападот влегла во објектите и пронашла одредена опрема.

Хаитската национална полиција соопшти дека операцијата била насочена кон домот на Шеризиер во областа Делмас 6, која со години важи за упориште на вооружени групи под негово водство. Во акцијата учествувале армијата, антибандитските сили поддржани од ОН, Работната група на премиерот и приватна воена компанија.

Операцијата доаѓа во чувствителен политички момент, неколку недели пред истекот на мандатот на привремената влада, додека планот за политичката транзиција на Хаити сè уште не е објавен.