Феникс Санс ја запиша победата од 115-102 над Лос Анџелес Клиперс во единствениот натпревар одигран ноќеска во НБА лигата, а вечерта ја одбележа дебито на Џејлен Грин.
По пауза поради повреда, 23-годишниот бек конечно заигра за новиот тим и имаше деби од соништата. За само 23 минути на терен, Грин постигна 29 поени и реализираше дури шест тројки, поставувајќи нов рекорд за најмногу погодени тројки на дебито во дресот на Феникс.

Со овој учинок, тој стана и најдобриот дебитант на Санс по легендарниот Чарлс Баркли, кој во 1992 година своето прво појавување го заврши со 37 поени.
Клучниот момент на мечот се случи во третата четвртина, кога Феникс доминираше со 40-23 и ја создаде разликата што Клиперс не успеа да ја анулира до крајот.

Девин Букер додаде 23 поени за победничкиот состав, додека кај Клиперс најистакнат беше Ивица Зубац со дабл-дабл ефект – 23 поени и 11 скокови.

Преземено од: Спорт.ком.мк