Една необична сцена пристигнува од Истанбул во натпревар од аматерските лиги, каде што фудбалски дуел накратко се претвори во вистинска драма за спасување живот на галеб кој случајно се најде во опасност.

Во 22. минута од средбата меѓу Мевланакaпи гузелхисар и Истанбул јурдум, голманот Мухамет Ујаник, сакајќи да ја исфрли топката од својот шеснаесетник, го погоди галебот кој во тој момент прелетуваше во близина.

Ујаник подоцна раскажа дека во првиот миг воопшто не сфатил што се случило. Дури кога се доближил до местото на падот, видел дека погодил живо суштество. „Бев во шок“, признал тој, видно потресен од несекојдневниот инцидент.

Додека дел од фудбалерите стоеле збунети, капитенот Гани Чатан реагирал брзо и прв притрчал до галебот и со масажа на срцето се обидувал да го врати во живот. На крајот, по околу две минути, обидот бил успешен, а галебот бил предаден на медицинска екипа.

🇹🇷 In Turkey, during an amateur league match in Istanbul, a goalkeeper accidentally hit a seagull with the ball.

A player from one of the teams managed to perform CPR on the bird and saved its life. pic.twitter.com/USKsUMz2YR

— Russian Market (@runews) February 23, 2026