Македонскиот интернационалец Георг Стојановски продолжува со одличните настапи во дресот на Спартак Варна, а на последниот натпревар против Добруџа Добрич беше човекот на одлука.

Стојановски го постигна единствениот гол во победата од 1-0, при што погоди на атрактивен начин со силен удар од непосредна близина.

Погодокот од 26. минута беше негов четврти сезонава, а покрај головите, зад своето име има запишано и три асистенции, потврдувајќи ја одличната форма во која се наоѓа.