ВИДЕО: „Ѓаволско“ второ полувреме, Јунајтед повторно се враќаше од негатива!
Во рамките од 11 коло во Премиер лигата составот на Манчестер јунајтед славеше на гостувањето кај Вест Хем со конечен резултат 1:3.
Како да се навикнавме да го гледаме клубот од „Олд Трафорд“ во последните неколку меча најпрвин да биде во негатива, а потоа од очај комплетно да ги смени нештата на терените во своја корист. Претходно така беше против Евертон (1:3), потоа со Саутемптон (2:3), а сега и против „чеканите“.
Чешкиот интернационалец Соучек во 38 минута после изведен корнер успеа да ја затресе мрежата на Хендерсон за водство на домаќините. „Црвените ѓаволи“ направија целосен пресврт во второто полувреме, а истиот го најави Погба во 65 минута со една фантастичен погодок.
Само 180 секунди подоцна Гринвуд се запиша во листата на стрелците, а конечниот епилог го постави Решфорд од контранапад после асистенцијата на Мата (78`).
Играчите на менаџерот Солскјер сега имаат 19 бодови на четвртото место после четвртата победа по ред и сега малку посериозни во намерата да се најдат во шампионската трка, додека Вест Хем е на седмата позиција со 17 бодови.
Претходно во првите два меча од саботната програма во најсилното англиско првенство ремизираа Барнли и Евертон (1:1), а Манчестер сити беше подобар од Фулам (2:0).