Фудбалерите на Манчестер јунајтед вечерва победија против Фулам со 2:1, во натпреварот од 16 коло на Премиер лигата.

Гостите поведоа во 14 минута преку Кристијан Ериксен, кој ја искористи асистенцијата на Бруно Фернандеш. Така Ериксен стана вториот Данец кој постигнал гол во дресот на Јунајтед, по голманот Питер Шмајхел, кој се запиша во листата на стрелците во 1995 година.

Лондонскиот тим израмни во 61 минута преку Даниел Џејмс, а Алехандро Гарначо му донесе победа на Јунајтед во третата минута од судиското надополнување.

„Црвените ѓаволи“ се на петтото место на табелата со 26 бодови, додека Фулам е деветти со 19 бодови.

Следува пауза поради Светското првенство во Катар, а Премиер лигата продолжува на крајот на декември. Во следното коло Јунајтед ќе го пречека Нотингем форест, а Фулам гостува кај Кристал палас.