ВИДЕО: Фудбалерите на Манчестер јунајтед го освоија Лига купот
Фудбалерите на Манчестер јунајтед вечерва во Лондон го освоија Лига купот, откако во финалето го совладаа Њукасл со 2:0.
На славниот лондонски „Вембли“, Јунајтед поведе во 33. минута со голот на Кaсемиро, кој со глава ја упати топката во мрежата по слободен удар кој го изведе Лук Шо.
Фудбалерот на Њукасл, Свен Ботман, ги постави конечниот епилог во 39 минута кога си постигна автогол по ударот на Маркус Рашфорд.
Тоа е прв трофеј за „црвените ѓаволи“ од 2017 година кога ја освоија Лигата на Европа. Исто така, тоа е првиот пехар за Ерик тен Хаг како менаџер на клубот од „Олд Трафорд“. Њукасл својот последен трофеј го освои во далечната 1969 година.
Голманот на Јунајтед, Давид де Хеа стана рекордер на клубот. Шпанскиот чувар на мрежата не прими гол на 181 натпревар, еден повеќе од легендарниот Петер Шмајхел.