Денеска екипата на Хал направи изненадување, откако во финалето на плејофот го совлада фаворизираниот Мидлсбро со резултат 1:0 на стадионот „Вембли“ во Лондон.

Стрелец на единствениот гол беше Оли Мекбарни во самиот финиш од натпреварот, односно во 95 минута, за голема радост кај неговите тимски колеги и навивачите на клубот.

Хал се враќа по девет години во Премиер лигата, и воедно ќе инкасира околу 200 милиони фунти.

Хал претходно го победи Милвол со вкупен резултат од 2:0 во полуфиналето, каде што славеше во Лондон откако ремизираше дома.

Претходно пласман во Премиер лигата за следната натпреварувачка сезона се изборија и Ковентри и Ипсвич.