Фудбалерите на швајцарскиот Лугано за кој настапува и македонскиот репрезентативец Езѓан Алиоски се подготвуваат за вториот дел од сезоната во Шпанија, но пријателскиот натпревар против Викторија Плзен беше засенет од несакан инцидент кој сигурно ќе одекне во соблекувалната на клубот.

За време на средбата дојде до жестока расправија меѓу Кевин Беренс и Јоргос Куцијас, која не остана само на вербално ниво. Во 72. минута, 34-годишниот Беренс во налет на бес истрча преку теренот, го турна на земја 13 години помладиот грчки фудбалер при што според медиумите и извикал:

„Ти мал чудаку, замолчи!“.

Според швајцарската телевизија „РСИ“ конфликтот настанал поради несогласувања меѓу двајцата напаѓачи околу начинот на изведување на пресинг играта. Засега не е познато дали раководството на Лугано ќе преземе дисциплински мерки, а од клубот сè уште нема официјален коментар за инцидентот.

FC Lugano’s Kevin Behrens attacking his own teammate Georgios Koutsias during a friendly vs. Viktoria Plzen
byu/Ryponagar insoccer