Фудбалерите на Џенова лесно го совладаа Торино со 3-0 во натпреварот од 26. коло во Серија А.

Прашањето на победникот беше практично решено уште пред паузата. Домашниот состав двапати ја затресе мрежата во првото полувреме и рано ја презеде контролата врз резултатот. Финишот на првиот дел донесе и еден брутален старт, Емирхан Илхан заработи директен црвен картон по стартот со отворен ѓон врз Лоренцо Коломбо, потег кој можеше да има и посериозни последици.

Со играч повеќе во продолжението, Џенова рутински ја одржуваше предноста, не дозволувајќи му на противникот да се врати во игра. Точката на убедливиот триумф ја стави Жуниор Месијас, кој го постави конечниот резултат и донесе мирна завршница за домашните навивачи.