Иако ретко се споменува меѓу најголемите фудбалски стратези на денешницата, Луис Енрике уште еднаш покажа зошто важи за еден од најиновативните тренери во Европа. Во полуфиналниот дуел против Баерн Минхен, тренерот на ПСЖ со маестрален тактички потег успеа целосно да го неутрализира најопасниот офанзивец на германскиот тим, Мајкл Олисе.

Иако Олисе неколкупати се обиде да пробие по крилото, речиси и да не успеа сериозно да се закани кон голот на Матвеј Сафонов. Причината лежеше во специфичната поставеност на играчите на ПСЖ, кои постојано создаваа бројна надмоќ во зоната каде што напаѓаше францускиот репрезентативец.

Олисе во текот на целиот натпревар најчесто беше удвојуван, а поради густата концентрација на играчи немаше простор за своите препознатливи продори и дриблинзи.

Но, најинтересниот дел од тактиката на Енрике беше начинот на кој ја создаваше таа предност на теренот. Шпанскиот стратег му даде наредба на голманот Сафонов при гол-аут намерно да ја исфрла топката во аут и тоа токму на страната каде што се движеше Олисе.

По секое такво исфрлање, камерите го снимаа Енрике како веднаш ги повикува своите фудбалери да се префрлат на таа страна од теренот и да извршат дополнителен притисок.
На прв поглед едноставен потег, но тактички речиси совршен, ПСЖ свесно му го препушташе поседот на Баерн, но истовремено добиваше подобра позиција на теренот и ја нарушуваше офанзивната поставеност на германскиот тим.

Со тоа, Олисе постојано остануваше без простор и под силен притисок, а токму оваа стратегија се покажа како едно од клучните оружја на ПСЖ во борбата за пласман во финалето на Лигата на шампиони на УЕФА.

Safonov diinstruksikan untuk sengaja goal kick ke arah area Olise, diminta kenceng bgt sampai lemparan ke dalam

Alasannya? Biar bisa overload sisinya Olise, jadi lebih gampang ngepress Olise.

Jujur ini brilian!!!

Taktik begini saya pikir kok terinspirasi dari american… pic.twitter.com/7FRjNhNT7k

— Si Paling Sepakbola Spanyol (@LaLigaLocaID) May 7, 2026