ВИДЕО: Џенова му откина бод на Интер, пресврт на Лацио на „Олимпико“
Во рамките од 18 коло во најсилното италијанско фудбалско првенство екипите Џенова и Интер ремизираа 1:1 на стадионот „Луиџи Ферарис“.
Двата гола беа реализирани во текот на првото полувреме, први стекнаа предност миланските „нераѕури“ преку Арнаутовиќ, а Џенова го избегна поразот непосредно пред паузата кога мрежата на Зомер ја затресе Драгушин.
Интер останува на првата позиција во Серија А со 45 бодови, додека Џенова е на 13 место со 20 бодови.
Лацио ја оправда фаворитската улога против Фросиноне славејќи со резултат 3:1 на „Олимпико“ во Рим.
Гостите водеа од 57 минута со погодокот на Суле во 57 минута, но за две минути домаќините направија целосен пресврт благодарение на Кастељанос и Исаксен. Конечниот епилог го постави Патрик во 84 минута од средбата.
Наполи дома ремизираше без голови со Монца, додека Фиорентина со голот на Раниери во 83 минута триумфираше над Торино.