На стадионот „Фадиљ Вокри“ во Приштина синоќа се одигра последниот квалификациски натпревар за Светското првенство, каде Косово го пречека тимот на Швајцарија. Иако натпреварот заврши со реми 1-1, главна фигура на теренот беше капитенот на Швајцарија, Гранит Џака кој беше исвиркан од страна на домашната публика.

Гранит Џака, кој има албанско потекло наместо овации, се соочи со свирежи од навивачите на Косово, што го изненади.

„Изненаден сум. Ова е последното нешто што можев да го очекувам, искрено. Особено тука, дома. Искрено, боли,“ изјави Џака по завршувањето на натпреварот.

Тој додаде: „Не ми се допадна, но без разлика на тоа, морав да се фокусирам на натпреварот. Се е во ред.“

Свирежите не беа единствените непријатности за Џака. Според косовските медиуми, тој влегол во вербален дуел со еден од водачите на навивачите на Косово, што уште повеќе ја зголеми тензијата на стадионот.

Преземено од: Sport.com.mk