Македонскиот интернационалец Андреј Тодороски продолжува со одличните настапи во дресот на Бачка Топола, каде што се наметнува како еден од клучните играчи во тимот.

Во убедливата победа од 4-1 против Спартак Суботица, Тодороски беше меѓу најзаслужните, откако постигна два погодоци и даде значаен придонес во триумфот.

Првиот гол го реализираше во 17. минута, носејќи израмнување на 1-1, додека вториот го постигна во финишот на натпреварот за водство од 3-1, со што практично го реши победникот.

Со овие два гола, македонскиот напаѓач стигна до вкупно шест погодоци во првенството, потврдувајќи ја својата добра форма.