Одлично прво полувреме и на крајот убедлива победа на фудбалерите на Борусија Дортмунд од 4:0 (3:0) над Мајнц во 22 коло од Бундеслигата.

Момците на Нико Ковач имаа сè во свои раце: доминација, шанси и голови за веќе огромни 3:0 пред да заминат на одмор.

Севкупно одлична тимска игра, три асистенции на Јулијан Рирсон, двоен стрелец Серу Гираси, мајсторскиот Максимилијан Бајер, оставија свој белег на незаборавните 45 минути на Сигнал Идуна Парк.

Доминацијата на Борусија во второто полувреме заврши со четврти гол, Доменик Кор беше невнимателен и ја испрати топката во сопствената мрежа.

На табелата Дортмунд е на второто место со 54 бодови, три помалку од водечкиот Баерн Минхен кој својот меч од ова коло ќе го има в сабота на гости кај Вердер Бремен. Мајнц е на 14 позиција со 21 бод.