Пинк ги демантираше наводите дека се разведува од сопругот, поранешниот професионален мотокрос возач Кери Харт, откако одредени медиуми објавија дека нивниот брак наводно е во криза. Магазинот „Пипл“ во четвртокот прв ја објави веста, повикувајќи се на неименуван извор, со наслов дека Пинк и Харт повторно се разделуваат по 20 години брак. Набргу потоа, пејачката се огласи преку својот официјален инстаграм-профил, нарекувајќи ги тврдењата „лажни вести“.

„Тукушто ми јавија дека сум се разделила од сопругот. Не знаев. Благодарам на магазинот „Пипл“ … благодарам што ме информиравте дека се разведувам. Се прашувам дали сакате тоа да им го кажете и на нашите деца? Моето четиринаесетгодишно и деветгодишно дете исто така не знаат. Или можеби сакате да зборуваме за некои вистински вести?“, изјави таа.

По демантот, „Пипл“ го ажурираше текстот и наведе дека Пинк преку Инстаграм ги негирала наводите, додека нејзините претставници одбиле дополнителен коментар.

Во истото видео, Пинк спомена и други актуелни теми за кои, според неа, јавноста би можела да дискутира, вклучително и т.н. „Епштајн фајлови“ и резултатите од Олимписките игри 2026 година.

Пинк и Харт се венчаа во 2006 година. Кратко се разделија во 2008, но набргу се помирија и продолжија заеднички живот. Имаат две деца, ќерката Вилоу (14) и синот Џејмсон (9).