Кошаркарите на Детроит пистонс ги победија Орландо меџик со 93:79 и се пласираа во седмиот натпревар од плејоф серијата во првото коло на Источната конференција, по едно од најголемите изненадувања во сезоната.

Детроит успеа да надомести негатива од 24 поени, и покрај тоа што противникот имаше водство од 60:38 на полувремето, а Орландо водеше и со 62:38 на почетокот на третата четвртина.

Во тој момент се чинеше дека Меџик сигурно ќе ја завршат серијата, но домашниот тим целосно се распадна.

Кејд Канингем одигра клучна улога во големиот пресвт со 32 поени, додека Тобијас Харис додаде 22. За домашниот тим, Паоло Банкеро и Дезмонд Бејн постигнаа по 17 поени.

Играчите на Орландо пропуштија втора шанса да ја завршат серијата, а отсуството на повредениот Франц Вагнер е дополнителен проблем.

Пистонс ќе имаат предност на домашен терен во решавачкиот, седми натпревар, кој е закажан за недела.

Овој пораз од Орландо, исто така, влезе во историјата, бидејќи Меџик стана првиот тим од сезоната 1996/1997 што загубил натпревар од плејофот на домашен терен откако имал водство од најмалку 24 поени со шанса да го елиминира својот ривал.