Српскиот центар Никола Јокиќ и натаму се опоравува од повредата, но и покрај тоа кошаркарите на Денвер нагетс редат победи во НБА лигата, а овој пат подобри беа од Далас маверикс на гостински терен со резултат 118:109.

Тоа е петти триумф во последните шест натпревари, од кои само еден беше на домашен терен, екипата предводена од тренерот Дејвид Аделам покажува дека сè уште има на што да се надева и без својот најдобар играч.

Освен Јокиќ, во составот на Денвер не беа ни Камерон Џонсон, Јонас Валанчиунас и Кристијан Браун. Маверикс исто така имаат големи проблеми, на листата на повредени играчи се Кајри Ирвинг, Данте Ексум, Дерек Лајвли и Ентони Дејвис, кој веројатно ја заврши својата мисија во Далас.

Најефикасни играчи кај победниците беа Мареј со 33 поени, Гордон со 22 и Вотсон со 18. Кај Далас се истакнаа Маршал со 24, Вилијамс со 20 поени и седум скока и Мартин со 15 поени.

Нагетс сега имаат учинок од 28-13 и се во отворена битка за второто место во Западната конференција, со Сан Антонио како нивен главен ривал, додека Минесота им дише во врат со една победа помалку. Од друга страна, Далас е на две победи од зоната за „плеј-ин“ и прашањето е дали ќе успеат да стигнат до 10. место без најдобрите во составот.

НБА лига, резултати:

Индијана – Торонто 101:115
Филаделфија – Кливленд 107:133
Чикаго – Јута 128:126
Њу Орлеанс – Бруклин 116:113
Далас – Денвер 118:109
Сакраменто – Њујорк 112:101
ЛА Клиперс – Вашингтон 119:105