Иако се предвидуваше дека ќе добие Оскар за најдобра женска улога, Деми Мур остана без златната статуетка, а нејзината реакција откако Мајки Медисон беше повикана да ја земе наградата, го привлече вниманието на многумина.

Мур, која ја толкува главната улога во филмот „Супстанција“, беше најголемиот фаворит за Оскар, а неодамна токму за оваа улога освои и неколку награди.

Сепак, изненадување на вечерта беше 25-годишната актерка Мајки Медисон која ја доби наградата, додека Мур не можеше да го скрие незадоволството.

Експертот за говор на телото, Никола Хиклинг изјави дека Мур го изговорила зборот „убава“, но дека не се смешкала додека го кажувала тоа, пишува „Б92“.

Набргу по објавувањето на наградата, многу корисници на социјалните мрежи го изразија своето незадоволство од одлуката на Академијата, посочувајќи дека Мајки Медисон „не го заслужила Оскарот и дека тој е украден од Деми Мур“.

Покрај Мајки („Анора“) и Мур („Супстанција“), во истата категорија спаѓаа и Синтија Ериво („Злобни“), Карла Софија Гаскон („Емилија Перез“) и Фернанда Торес („Сè уште сум тука“).