Манчестер јунајтед во драматичен натпревар го совлада Вест Хем со 1:2 во рамки на петтото коло во Премиер лигата.

Вистински јунак на „црвените ѓаволи“ беше голманот Давид де Хеа кој во 94 минута го одбрани пеналот на Кевин Нобл и со тоа го искачи Јунајтед на делба на првото место на табелата. Претходно, победата ја најави Џеси Лингард кој во 89 минута постигна гол за водство од 1:2.

Во првото полувреме, резултатот го отвори Бенрама со голот во 30 минута, за пет минути подоцна Кристијано Роналдо да биде прецизен за Манчестер јунајтед.

Екипата на Брајтон продолжува со одличните игри на стартот од Премиер лигата и дојде до четвртата победа со која се искачи на третото место на табелата. Брајтон на домашен терен славеше со 2:1 над Лестер. Маупај и Велбек му донесоа водство на Брајтон од 2:0, а Џејми Варди со својот гол успеа само да го ублажи поразот на Лестер.