Од 5 јануари до 7 февруари имаме изиграно 10 натпревари. Имавме тежок месец, го издржавме овој период и на крај се тоа се исплатеше. Обезбедивме учество од втората фаза на БИБЛ лигата. Почнаа подготовките за патување и главно овој период ќе се посветиме организациски, изјави во Утрински брифинг Дарко Петковски Спејко, оперативен директор на КК Куманово.

„Бугарската екипа е добро позната за нас. Во првата фаза од БИБЛ лигата имаше скор 8:2, со тоа што двата порази беа од нас. Пловдив е спремна екипа, но ни одговораат како противници. Тука нема да ја прескокнам израелската екипа, која има бивши НБА играчи. Тоа ме радува, но нема да ја потценам нашата екипа и зошто да не се случи чудо – среќата ги прати храбрите“, додава Петковски.

„Сегашната состојба на табелата не е меродавна, бидејќи имаме најмалку натпревари одиграно. Влегувањето во Топ 6 е првото нешто што го имаме зацртано. После следи разигрувањето и се надеваме на успех“, смета Петковски.

Целиот разговор погледнете го во видеото