Во првиот натпревар од осминафиналето во фудбалската Лига на шампионите екипата на Манчестер сити триумфираше против ФК Копенхаген на гости со 3:1.

„Граѓаните“ на стадионот „Паркен“ стекнаа позитива уште во 10 минута со голот на Де Брујне, а асистираше Фоден.

Во 34 минут Данците успеаја да израмнат преку Матсон за голема радост на домашните навивачи.

Во финишот на првото полувреме гостите повторно беа во водство, овојпат Де Брујне се најде во улога на асистент, а стрелец беше Силва за 2:1.

Конечниот епилог беше поставен во судиското надополнување од вториот дел кога домашната мрежа ја затресе Фоден.