Како гром одекна веста дека Анџелина Џоли (50) повторно е заљубена и тоа во осум години помладиот француски актер со кого глуми во филмот „Кутир“ (Couture), во режија на Алис Винокур. Филмот ја имаше својата светска премиера во септември минатата година на Фестивалот во Торонто, а од средината на минатиот месец се прикажува во кината ширум светот, пренесува „Хола“.

Штом се појави информацијата дека Анџелина Џоли е во врска со Луи Гарел (42), на социјалните мрежи веднаш се појавија коментари дека маркантниот Французин физички воопшто не наликува на нејзиниот поранешен сопруг Бред Пит, со кого имаше турбулентен и рекордно долг развод. Нивната судска постапка, која траеше цели осум години, конечно заврши кон крајот на 2024 година.

Дали францускиот актер ја освоил Анџелина Џоли?

Да потсетиме, Анџелина Џоли и Бред Пит беа во врска од 2005 година. Се венчаа во 2014, а се разделија две години подоцна. Неодамна нивниот син се откажа од презимето на татка си, што претходно го направија уште четири од нивните пет деца.

Анџелина Џоли и Луи Гарел минатиот месец го промовираа филмот „Coutures“ во Париз, а беа видени и на заедничка вечера. И покрај гласините дека се во љубовна врска, извори блиски до актерката изјавија за „ТМЗ“ дека тие се само колеги и дека имаат многу заеднички пријатели. Најмногу ги поврзува токму промоцијата на филмот.

Луи Гарел е познат по улогите во филмовите „Сонувачи“ и „Мала жена“, а покрај глумата е и успешен режисер. И Анџелина Џоли веќе подолго време се занимава со филмска режија.

Пријателите на Анџелина Џоли ја открија вистината

„Енџи во последните неколку години беше многу зафатена и целосно фокусирана на децата. Љубовниот живот не ѝ беше приоритет. Нема момче. По разводот практично е самохрана мајка и тоа ѝ е главниот фокус“, изјавил извор за „Пипл“.

Според ова, Анџелина Џоли е сингл од декември 2024 година. По разделбата со Бред Пит во 2016 година немала официјална врска, иако медиумите ја поврзуваа со неколку мажи.

Оваа изјава индиректно го погодува и Бред Пит, бидејќи алудира дека актерот не се грижи доволно за најмладите деца, 17-годишните близнаци Вивиен и Нокс. Можно е и да му е ограничен контактот со нив, особено ако се има предвид дека дел од децата јавно изјавија дека не сакаат никаков контакт со него. Неговите пријатели за ваквиот раздор ја обвинуваат Анџелина Џоли, која досега не ја коментирала темата.

Поранешниот пар ги има и синовите Мадокс (22) и Пакс (21), како и ќерките Шајло (19) и Захара (21).

„Таа обожава да биде мајка и секогаш се труди децата да напредуваат и да имаат поддршка. Се чини дека одлично ѝ оди“, додал изворот.