Напаѓачот на Престон, Црногорецот Милутин Осмајиќ е суспендиран на осум натпревари откако го гризнал фудбалерот на Блекбурн Овен Бек за време на натпреварот во Чемпионшип.

Осмајиќ на сослушувањето во Фудбалскиот сојуз на Англија ја призна вината, а ФА денес ја објави одлуката за неговата казна.

Покрај суспензијата од осум натпревари, Осмајиќ е казнет и со парична казна од 15.000 фунти.

„Напаѓачот го призна насилничкото однесување кое го имаше во 87. минута. Независната комисија ја одреди санкцијата по сослушувањето. Конкретните причини ќе бидат објавени во догледно време“, стои во соопштението од ФА.

Ќе потсетиме, ФА во 2013 година го суспендираше тогашниот напаѓач на Ливерпул, Луис Суарез на десет натпревари откако го гризна дефанзивецот на Челси, Бранислав Ивановиќ.

Preston’s Milutin Osmajic biting Blackburn’s Owen Beck. Beck was red carded, Osmajic was shown a yellow ? pic.twitter.com/RXNlmq6uMa

— J (@Two_Pradista) September 22, 2024