Денеска во 22 коло од најсилната турска фудбалска Суперлига екипата на Коџаелиспор со 3:0 на домашен терен го совлада Газиантеп.

После првото полувреме домаќините водеа со 1:0 со погодокот на Даниел Аџеј во 36 минута по асистенцијата на Хајдара.

Македонскиот репрезентативец Дарко Чурлинов за Коџаелиспор настапи од 72 минута како замена за Бингол.

Токму нашиот интернационалец имаше исто така клучен придонес во освојувањето на бодовите, најпрвин убаво со пета му асистираше на Дурсун во 76 минута за зголемување на водството.

Во 81 минута од натпреварот, Чурлинов повторно асистираше, а во листата на стрелците се запиша Ривас.

Коџаелиспор после осмата победа сезонава е на седмото место со 30 бодови, а во следното коло ќе игра против Ризеспор на гостински терен на 20 февруари.

View this post on Instagram

A post shared by Kocaelispor (@kocaelispor)