Фудбалерите на Челси денеска обезбедија пласман во финалето на ФА Купот откако го победија Лидс со 1:0 на стадионот „Вембли“ во Лондон.

Херој на натпреварот беше Енцо Фернандез, кој го постигна единствениот гол на натпреварот во 23 минута, по добро конструиран потег и прецизен шут.

Челси ја контролираше играта во поголемиот дел од натпреварот, додека Лидс се обидуваше да израмни, но без успех во завршницата.

Лондонскиот клуб ќе се бори за трофејот на 16 мај против Манчестер сити, кој го победи Саутемптон со 2-1 во првото полуфинале.

Се очекува спектакуларно финале, во кое ќе се сретнат два тима во одлична форма, а Челси ќе има можност да освои еден од најпрестижните трофеи во англискиот фудбал.