Фудбалерите на Челси го победија Есперанс со 3:0 во натпреварот од третото коло на Светското клупско првенство во САД. Во вториот натпревар од Групата Д, Фламенго и Лос Анџелес одиграа нерешено 1:1.

Ремито беше доволно за бразилските гиганти да го задржат првото место, додека Челси рутински ја оправда својата улога на фаворит и се пласираше во нокаут фазата од второто место.

Тосин Адарабиојо донесе предност за лондонските „сини“, а водството го зголеми Лиам Делап. Тајрик Џорџ во седмата минута од судиското продолжение на второто полувреме го реализираше третиот гол за англискиот клуб.

Лос Анџелес преку Денис Буанга поведе во 84 минута, додека Јан Волас израмни две минути подоцна и го обезбеди првото место за бразилскиот тим.

Фламенго на тој начин ќе има можност да игра против уште еден европски гигант во осминафиналето, со оглед на тоа што Баерн заврши втор во групата Ц. Челзи, пак, го очекува натпревар против Бенфика во кој ќе ја има улогата на фаворит.