ВИДЕО: Чалханоглу му донесе важен триумф на Интер против Барса

Хакан Чалханоглу стрелаше во важниот триумф на Интер во ЛШ/Милано, Италија/4 октомври 2022/фото: EPA-EFE/MATTEO BAZZI

Во дербито на Лигата на шампионите во третото коло екипата на Интер пред своите навивачи на стадионот „Џузепе Меаца“ во Милано ја совлада Барселона со 1:0.

Ова беше само трет триумф на миланските „нераѕури“ против Каталонците, единствениот погодок беше дело на Чалханоглу непосредно пред паузата (45+2`) по асистенцијата на Димарко.

Баерн Минхен убедливо славеше на домашен терен против чешкиот претставник Викторија Плзен (5:0) и се наоѓа на чекор од пласман во нокаут-фазата.

Доста неизвесно е во групата „Д“, после изненадувачкиот триумф на Марсеј против Спортинг, составот на Тотенхем одигра без голови кај Ајнтрахт Франкфурт.

Лига на шампиони

Трето коло, резултати –

Група „Ц“

Баерн Минхен – Викторија Плзен 5:0
Интер – Барселона 1:0

Табела: Баерн Минхен 9 бодови, Интер 6, Барселона 3, Викторија Плзен 0.

Група „Д“

Марсеј – Спортинг 4:1
Ајнтрахт Франкфурт – Тотенхем 0:0

Табела: Спортинг 6 бодови, Тотенхем 4, Ајнтрахт Франкфурт 4, Марсеј 3.

ВИДЕО: Наполи го прегази Ајакс во Амстердам, Клуб Бриж има „три од три“ во ЛШ

Видео на денот