Извршниот комитет на Европската ракометна федерација (ЕХФ) донесе неколку клучни одлуки на својот последен состанок за сезоната 2025/26.

Македонија доби ново признание, односно во 2028 година ќе биде домаќин на Европското првенство за ракометари до 18 години.

Потсетување, ова лето од 29 јули до 9 август во истата категорија ЕП ќе се одржи во Србија, а кадетите се во групата А заедно со Франција, Шведска и Словенија.

Меѓу останатите одлуки на ЕХФ, Словенија во 2028 година ќе го организира Европското првенство за ракометари до 20 години.

Воедно, донесена е одлука Европското првенство во женска сениорска конкуренција во 2030 година да се одржи во Франција и Белгија.