Вечерва се одиграни натпреварите од третото коло во групите на Лигата на шампионите, изненадувачки продолжува победничката серија на Клуб Бриж.

Белгиската екипа во групата „Б“ веќе ја забележа и третата победа сезонава, на домашен терен со 2:0 го совлада Атлетико Мадрид. Стрелци на головите беа Сова во 36 и Хутгла во 62 минута од средбата.

Во групата „А“ трет триумф запиша Наполи кој со 1:6 го декласираше Ајакс на гостувањето во Амстердам.

Иако Холанѓаните поведоа во деветтата минут со голот на Кудус, следуваше огромниот пресврт на „наполитанците“ на „Јохан Кројф“ Арената.

Двапати во листата на стрелците се запиша Распадори, а по еден погодок имаа Ди Лоренцо, Зиелински, Кварацхелија и Симеоне. Македонскиот репрезентативец Елиф Елмас за италијанскиот клуб настапи од 64 минута како замена за Кварацхелија.

Лига на шампиони

Трето коло, резултати –

Група „А“

Ливерпул – Ренџерс 2:0
Ајакс – Наполи 1:6

Табела: Наполи 9 бодови, Ливерпул 6, Ајакс 3, Ренџерс 0.

Група „Б“

Порто – Баер Леверзекун 2:0
Клуб Бриж – Атлетико Мадрид 2:0

Табела: Клуб Бриж 9 боддови, Порто 3, Баер Леверкузен 3, Атлетико Мадрид 3.