Туристички брод наречен „Големиот шеф“, кој бил на дневно крстарење кај познатото турско летувалиште Мармарис, почнал да се полни со вода и за кратко време целосно потонал во близина на Рајскиот Остров.

Причините за несреќата сѐ уште се утврдуваат.

Како што се наведува во писменото соопштение на гувернерот на областа Мугла, веднаш по пријавата за потонување на бродот на кој се наоѓале вкупно 148 луѓе (120 возрасни, 20 деца и осуммина членови на екипажот), спасувачките тимови биле брзо мобилизирани и упатени на терен.

Благодарение на брзата координација на професионалните спасувачки служби и солидарноста на околните пловни објекти кои веднаш пристигнале на помош, избегната е огромна трагедија. Сите патници и членови на екипажот биле навремено и безбедно евакуирани од бродот и успешно префрлени на копно.

Турските медиуми објавија аматерски снимки на која се гледаат моментите кога преплашените патници го напуштаат бродот, кој полека тоне.

Muğla’nın Marmaris ilçesinde, 110 yolcunun bulunduğu bir tur teknesi henüz bilinmeyen bir nedenle battı.

• Yolcular, başka bir tekneye güvenli şekilde tahliye edildi.
• Olayda can kaybı ya da yaralanma yaşanmadı. pic.twitter.com/Q8N9mCkNGe

— Onedio (@onedio) May 29, 2026