Репрезентацијата на Бразил се пласира во финалето на Копа Америка откако во првото полуфинале со 1:0 го совлада Перу. Стрелец на единствениот гол беше Лукас Пакета во 35 минута на асистенција на Нејмар.
Пакета кој во четвртфиналето против Чиле, влезе од клупата и го реши натпреварот, сега беше стартер и довербата во целост ја искористи. Во првото полувреме, „кариоките“ беа доминантни, а одличната игра ја крунисаа со гол во 35 минута.
Нејмар прими топка на страна, влезе во шеснаесетникот каде го пронајде Пакета на кого не му беше тешко да ја смести топката во мрежата.
Во второто полувреме, Перу играше далеку подобро, успеа да го притисне Бразил, а единствената голема шанса ја имаше Лападула но неговиот шут го одбрани Едерсон.
Бразил во финалето на Копа Америка кое ќе се игра в сабота ќе сретне со подобриот од второто полуфинале во кое вечерва ќе се сретнат Аргентина и Колумбија.