Минатата ноќ беа одиграни шест натпревари во НБА лигата, а најголемо внимание привлекуваше дуелот помеѓу Денвер и Бостон кој заврши со победа на домаќините од 103-84.

До новиот триумф Нагетси и во овој натпревар ги предводеше српскиот ас Никола Јокиќ, кој и оствари двоцифрен учинок во две категории. За 33 минути на паркетот постигна 30 поени, додаде 12 скока и шест асистенции.

Кај Бостон, најрасположен беше Џејлен Браун со 23 поени и 11 скока, но неговиот придонес не беше доволен за порамноправна битка.

Убедлив настап пред својата публика прикажа и Хјустон рокетс, кој го декласираше Сакраменто кингс со 128-97.

Ноќта донесе и неколку неизесни натпревари: Милвоки бакс минимално славеа против Кливленд Кавалирс со 118-116, додека Детроит пистонс приредија изненадување совладувајќи ја Оклахома со 124-116.

Кога станува збор за гостински победи, Сан Антонио спарс во неизвесна завршница беа поуспешни од Торонто рапторс со 110-107. Во последниот натпревар од вечерта, Голден Стејт рутински славеа на гости кај Мемфис со 133-112.